Active Members

Kumar

சென்னையில் மகப்பேறு மருத்துத் துறையில் தொழில் நுட்ப நிபுணராகப் பணியாற்றிவருகிறார், குமார். இவர், கஜா புயல் பாதிப்பின் போது நியூஸ் 7 தமிழ் தொலைக்காட்சியின் அன்பு பாலத்துடன் இணைந்து தஞ்சாவூர் அருகேயுள்ள மதுக்கூரில் தங்கி ஒரு வார காலம் களப்பணியாற்றினார். மேலும், இப்பணிகளுக்காக தமது சொந்த காரை அளித்து, அதற்கான எரிபொருள் செலவையும் அளித்தது, புயல் பாதிப்பில் சிக்கியவர்களுக்கு உதவும் அவரது மனப்பான்மையை வெளிப்படுத்தியது. சுமார் இருபதாயிரம் ரூபாய் அளவுக்கு நிவாரணப் பொருட்களையும் அளித்ததோடு, அவற்றை புயல் பாதிப்பு பகுதியில் கடைக்கோடி வீடு வரை சென்று சேர்த்த குமாரின் பணிகள் வியப்பூட்டுகின்றன.

B.Yashwanth

சென்னையைச் சேர்ந்த யஷ்வந்த், கஜா புயல் பாதித்த பகுதிகளில் பத்து நாட்களுக்கும் மேல் தங்கியிருந்து, நியூஸ் 7 தமிழ் தொலைக்காட்சியின் அன்பு பாலம் திட்டத்துடன் இணைந்து களப்பணியாற்றினார். இரவு- பகல் பாராது, கடும் குளிரிலும் ஒவ்வொரு நாளும் பல மணிநேரம் கடும் உழைப்பை நல்கிய யஷ்வந்த்தை, அவருடன் பணியாற்றிய தன்னார்வலர்களே பாராட்டியது சிறப்பு மிக்கது.

Minnal Srinivasan

பொள்ளாச்சி அருகே மாளேகவுண்டன் பாளையத்தில் செயல்படும் ஊராட்சி ஒன்றியத் தொடக்கப்பள்ளி மற்றும் அங்கன்வாடியில் கல்வி பயிலும் மாணவர்களுக்கு, 2018-ம் ஆண்டு தீபாவளிக் கொண்டாட்டத்திற்கான செலவுகளை ஏற்றுக்கொண்டவர் மின்னல் ஸ்ரீனிவாசன். குழந்தைகளுக்குத் தேவையான புத்தாடைகள், பரிசுப்பொருட்கள், பட்டாசுகள் மற்றும் இனிப்புப் பாக்கெட்டுகளை வழங்கியதுடன், குழந்தைகள் வயிராற உணவையும் அளித்தார். மேலும், அக்குழந்தைகளுடன் இணைந்தே தீபாவளியையும் கொண்டாடிய மின்னல் ஸ்ரீனிவாசனின் சேவை மனப்பான்மை பாராட்டுக்குரியது.

Geetha

சென்னையில் வசித்துவரும் கீதா, இன்ஷ்யூரன்ஸ் துறையில் பணியாற்றி வருகிறார். கேரள வெள்ள பாதிப்புக்கு நியூஸ் 7 தமிழ் தொலைக்காட்சியின் அன்பு பாலம் மூலம் உதவிகள் அளித்துவந்ததை அறிந்த அவர் நேரடியாக அலுவலகத்துக்கு வந்து ரூ.50,000/- ற்கான காசோலையை வழங்கினார். அவரது காசோலை கேரள முதலமைச்சரின் பேரிடர் நிவாரண நிதிக் கணக்கில் நேரடியாக வரவு வைக்கப்பட்டது. கேரள மக்களின் துயர் துடைக்க ஐம்பதாயிரம் ரூபாயை வழங்கிய கீதா அவர்களின் சேவை மனப்பான்மை ஆச்சரியமளிக்கும் விதத்தில் உள்ளது.