Active Members

Flaring Formulations

அன்பு பாலம் திட்டத்துடன் இணைந்து செயலாற்றும் Flaring Formulations (P) Ltd., சென்னையில் செயல்பட்டுவருகிறது. இந்நிறுவனம் மாதம் தோறும் பத்தாயிரம் ரூபாய் நிதி உதவியை, உதவிக்காக ஏங்குபவர்களுக்கு அன்பு பாலம் மூலம் அளித்துவருகிறது. இந்த ஆண்டின் ஜுலை மாதம், சென்னையில் கல்லூரிக் கட்டணம் செலுத்த இயலாத ஏழை மாணவர் ஒருவருக்கு இருபதாயிரம் ரூபாயை இந்நிறுவனத்தின் விற்பனைப் பிரிவு இயக்குனர் எஸ். ஆர். விஷ்ணுகோபி அவர்கள் மனமுவந்து அளித்துள்ளார். அவருடைய இச்செயல், எதிர்காலக் கனவுகளுடன் கல்லூரிக்குள் நுழையும் ஒரு மாணவனுக்கு பேருதவியாக அமைந்துள்ளது.

S. Subburaj IES

திண்டுக்கல் மாவட்டத்தைச் சேர்ந்த சுப்புராஜ், இந்திய பொருளாதாரப் பணி அதிகாரியாக மத்திய அரசின் கீழ் இயங்கும் தொழிலாளர் நலத்துறையில் துணை இயக்குநராகப் பணியாற்றிவருகிறார். திண்டுக்கல் மாவட்டம் சின்னாளபட்டியில் நடைபெற்ற, 400 மாணவர்களுக்கு நோட்டு புத்தகங்கள், சீருடைகள், நிதியுதவி அளிக்கும் நிகழ்ச்சியில் பெருமளவு பங்காற்றினார். மேலும், மக்கள் பணிகளில் நியூஸ் 7 தொலைக்காட்சி எப்போது ஈடுபட்டாலும் தம்மால் இயன்ற உதவிகளைச் செய்வதாக உறுதியளித்துள்ளார். சென்னையில் பணியாற்றிவரும் இவர் தொடர்ந்து மக்கள் பணியில் ஈடுபடுவதில் மிகுந்த ஆர்வத்துடன் இருப்பது வரவேற்கத்தக்கது.

V. Murugesan

திண்டுக்கல் அருகே சின்னாளப்பட்டியில், அரசு உதவி பெறும் மேல்நிலைப் பள்ளியில் உதவித் தலைமை ஆசிரியராகப் பணியாற்றிவரும் முருகேசன், தொடர்ந்து பத்து ஆண்டுகளுக்கும் மேலாக ஏழை மாணவர்கள் கல்வி கற்க பல உதவிகளைச் செய்துவருகிறார். நியூஸ் 7 தமிழின் அன்பு பாலம் திட்டத்தில் இணைந்து, ஜுன் மாதம் 9-ம் தேதி சின்னாளபட்டியில் நடந்த நிகழ்ச்சியில் உதவிகளைப் பெற்றுத்தந்ததில் பெரிய அளவில் பங்காற்றினார். அந்த நிகழ்ச்சியை வெற்றிகரமாக நடத்திட இரவு பகல் பாராது அயராது உழைத்த இவரது ஆர்வம் பள்ளிக் குழந்தைகள், பெற்றோர்கள் மற்றும் பொதுமக்களை நெகிழச்செய்தது. 

C. Mahendran M.P.

உடுமலைப் பேட்டையில் மூன்று ஆண்டுகளாக கல்விக் கட்டணம் செலுத்த முடியாமல், ஒரு ஏழைக்குடும்பத்தைச் சேர்ந்த மாணவி அவதிப்பட்டுவந்தார். 1998 மார்ச் மாதம் நடைபெற்ற பத்தாம் வகுப்புத் தேர்வில் தேர்ச்சி பெற்ற அவருக்கு, கல்விச் சான்றிதழ்களைப்பெறுவதில் சிக்கல் ஏற்பட்டது. இதைத் தொடர்ந்து, அந்த மாணவியின் கல்விக் கட்டணங்களைச் செலுத்துவதோடு, அடுத்த இரண்டு ஆண்டுகளுக்கு அந்த மாணவி இலவசமாகக் கல்வி கற்க ஏற்பாடு செய்து தந்த சி. மகேந்திரனின் பணி மகத்தானது. நன்றாகப் படிக்கும் ஒரு ஏழை மாணவியின் கல்விக்கு உதவிய இவர் தற்போது பொள்ளாச்சி மக்களவைத் தொகுதி உறுப்பினராகப் பதவி வகித்துவருகிறார்.